نصائح هامة قبل ما تبدأ فى تشطيب شقتك

. أكد على الشركة اللى بتشترى منها على أماكن مخارج الكهرباء والسباكة الصح

المطبخ من اهم المساحات فى شقتك ممكن توسعة على حساب الرسيبشن أو حمام الضيوف

لازم تختار نوع بورسلين صح وتركبة بلزق مش بمونة لو مش هتعمل كده .. هات سيراميك فرز اول أفضل

الشبابيك الألومونيوم أفضل كتير من الخشب بالنسبة لمنع الضوضاء والأتربة

الشبابيك الالومونيوم بتدهن الوان كتير غير البيج والأوف وايت

الشبابيك الجرار بتساعد على سهولة الفرش لكن بتحجب الضوء

الشبابيك المفصلية بتزود الضوء لكن بتاخد مساحة لو شقتك ضيقة أستخدم الشبابيك الجرار

أختار أبواب خشب نوع جيد جدا لان دى شقة العمر

ركب جوانات كاوتش على الابواب بتساعد على منع الصوت والاتربة

أحقن حول الشبابيك فوم من الخارج وسيليكون من الداخل عشان الحرارة والصوت والاتربة والحشرات

لازم توزع الأضاءة صح

أكتر حاجه هتخلى شقتك شيك هى الاضاءة

أعمل حساب كل تفصيلة فى تاسيس الكهرباء ومتنساش الدش والتليفزيون والتليفون والنت

أعمل حسابك فى تاسيس التكيف حتى لو مش هتشترى تكيف

بلاش دهانات مط ولا لامع خليك ربع لامع او نص لامع أشيك

أختار كل حاجة قبل ما تبدأ شغل تشطيب فى شقتك

اثناء تقسيم شقتك وتشطيبها أهتم براحتك وراحة اولادك أكثر ما تهتم بالضيوف لأنك أنت اللى هتعيش فى الشقة

قبل ما تفرش شقتك أتفرج كويس فى اكثر من معرض زى ايكيا ممكن متشتريش من هناك بس خد فكرة